ABŞ maraqlı xəbər lenti yaradıb və indi Kremlin reaksiyasını izləyir.
Turkustan.az xəbər verir ki, Hərbi-Siyasi Təhlil Bürosunun rəhbəri Aleksandr Mixaylov Baydenin Kiyevə ABŞ-ın uzaqmənzilli silahlarından Rusiya ərazisində istifadə etməyə icazə verməsi ilə bağlı xəbəri belə izah edib.
Ekspert “New York Times” nəşrini şərh edərək, rəsmi Vaşinqtonun reaksiyasını gözləməyi tövsiyə edib.
Ondan heç bir reaksiya olmadı. Co Bayden bir gün əvvəl Kiyevə Rusiya ərazisinin dərinliklərinə uzaq mənzilli ATACMS raketləri atmağa icazə verməklə əlaqədar iddia edilən qərarı ilə bağlı jurnalistlərin suallarını cavablandırmaqdan imtina edib.
“Yanvarda administrasiyadan getməyim heç kimə sirr deyil. Mən ölkəmi gələcək inkişaf üçün güclü zəminlə varisimə buraxacağam”, - deyə Bayden bazar ertəsi brifinqdə bildirib. O, bundan sonra kürsüdən ayrılaraq suallardan yayınıb.
Eyni zamanda, Fransanın “Le Figaro” qəzeti öz saytından Paris və Londonun “Vaşinqtonun qərarına qoşulduqları” və Bankovaya Fransa və Britaniya silahları ilə Rusiya Federasiyasına dərin zərbələr endirməsinə icazə verdiyi barədə dərci silib.
Mixaylov deyib ki, Vaşinqtonun Kiyevə ABŞ silahları ilə Kursk bölgəsindəki hədəflərə zərbələr endirməyə razılıq verməsi barədə məlumat saxta ola bilər. Bu, ya ilkin olaraq bir qəzet yazısıdır, ya da Moskvanı Qərbin şərtləri əsasında danışıqlara razı salmaq üçün təzyiq göstərmək məqsədi daşıyan informasiya və psixoloji oyunun bir hissəsidir.
Praktiki nöqteyi-nəzərdən Kiyevin Rusiyaya Qərb silahlarından atəş açmasına icazə verilməsi ABŞ və Aİ-ni bir vaxtlar Makronun Vladimir Putinə vəd etdiyi “strateji qeyri-müəyyənlik” mövqeyinə qoyur. Aleksandr Mixaylov əmindir ki, Avropa ölkələri öz ərazilərindən zərbələr endirməyəcək. Reallıqda belə zərbələr yalnız son vaxtlar NATO emissarlarının mütəmadi olaraq səfər etdiyi Ukrayna və ya Moldova ərazisindən həyata keçirilə bilər. Lakin bu halda belə, alyans elə bir vəziyyətlə üzləşəcək ki, Moskvanın cavabının həcmi və variantları proqnozlaşdırıla bilməz.
Mixaylov Qərb mətbuatındakı nəşrləri iki məqsəd güdən, əvvəlcədən planlaşdırılmış informasiya əməliyyatı adlandırıb. Ekspert hesab edir ki, bununla belə, NATO ölkələrinin liderlərinin özlərindən açıqlama gözləməyə dəyməz.
O proqnozlaşdırıb ki, vəziyyət geosiyasi dalana dirənəcəkvə liderlər susacaq./publika.az
