ABŞ Cənubi Kipr Rum Administrasiyasının onlara verdiyi köhnə türk kəndi Taltlısuda (Mari) vertolyot bazası üzərində işlərini sürətləndirib.
Turkustan.az xəbər verir ki, ABŞ Cənubi Kipr Rum Administrasiyası (GCASC) ilə 2024-2029-cu illəri əhatə edən “Müdafiə və Əməkdaşlıq Yol Xəritəsi” imzalayaraq bölgədəki strateji mövqeyini artırmağa davam edir. ABŞ əsgərləri Cənubi Kipr Rum Administrasiyası tərəfindən ABŞ-a verilən köhnə Türk kəndi Taltlısuda (Mari) vertolyot bazasının işini sürətləndirib. ABŞ ordusunun tikinti texnikası Evengelos Florakis Dəniz Bazasının yaxınlığında helikopter bazasının tikintisi üzərində işləyir.
KKTC prezidenti Ersin Tatar dünən verdiyi açıqlamada səyləri pisləyərək, "Kıbrıs adasını silahlandırmaq və onu hədəfə çevirməyi doğru görmürəm" deyib, NATO və buna bənzər tarazlıqlarda atılacaq addımın diqqətli olması lazım olduğunu vurğulayıb.
Yunan mətbuatının Maridakı Evangelos Florakis Helikopter Bazası ilə bağlı dərc etdiyi xəbərlərin fotoşəkillərində bölgədəki işlərə ABŞ hərbi tikinti texnikasının qatıldığı görülüb. Helikopter bazasının Vasiliko Elektrik Stansiyasına bitişik olması diqqətəlayiq idi. Yunanıstanın "Simerini" qəzetindəki xəbərdə ABŞ ordusuna aid C-130 nəqliyyat təyyarəsi, CH-47 CHINOOK nəqliyyat təyyarəsi və BELL UH-1 helikopterlərinin Maridəki vertolyot bazasında yerləşdirilmək üçün Larnaka hava limanında gözlədiyinə dair məlumatlar yer alıb. Xəbərdə həmçinin Amerikanın V22-Osrpey helikopterlərinin Andreas Papandreu bazasında yerləşdirildiyi qeyd edilib.
Eltac Zülfüqaroğlu/Turkustan.az
