Bütün dünya alimləri nəsli kəsilmək ərəfəsində olan növlərin qorunması problemindən narahatdırlar.
Bunlar bitkilər, heyvanlar və digər canlı orqanizmlərdir.
Onların nümunələri təhlükəsiz anbarlarda toplanır.
Turkustan.az bu barədə “Planet Today”-a istinadən xəbər verir.
Bildirilir ki, bəzi tədqiqatçılar Norveçdəki Şpitsbergendə hazırda mövcud olan Dünya Repozitoriyasına alternativ və ya analoq kimi Ayda Nuhun gəmisini tikməyi təklif edirlər.
Bu obyekt 2008-ci ildən fəaliyyət göstərir və məcazi mənada “Qiyamət anbarı” adlanır. Obyekt qayalıqda 120 m dərinlikdə yerləşir; 4,5 milyon çeşiddə kənd təsərrüfatı bitkiləri saxlamaq qabiliyyətinə malik bunkerdir.
2017-ci ildə anbar otağında permafrost əriyəndə, toxumlar zədələnməyib. Bu, o deməkdir ki, ehtiyat otaq tələb olunur.
Alimlər belə qərara gəliblər ki, Pplanetimizdə belə "şübhəli" ərazilər getdikcə daha çox olduğundan, Ayı inkişaf etdirmək laızmdır.
Onların fikrincə, ayın cənub qütbündə kölgəli bir yer ideal olardı. Burada səthin temperaturu -196 °C-ə çatır. Vaşinqtondakı Mühafizə Biologiyası İnstitutunun və Arizona Universitetinin təklif üzərində işləyən ekspertlər qrupunun üzvləri deyirlər ki, bu, canlı orqanizmlərin hüceyrələrinin, toxumlarının və DNT-nin təhlükəsiz, uzunmüddətli saxlanması üçün tələb olunan minimum temperatudur.
Heç bir enerji və ya müntəzəm insan iştirakı tələb etməyəcək. Obyekt hətta sağalma proseslərində və orqan strukturunun saxlanmasında əsas rol oynayan fibroblastları, birləşdirici toxuma hüceyrələrini saxlaya biləcək. Onlar artıq itmiş və ya nəsli kəsilmək təhlükəsi altında olan növlərin populyasiyalarını bərpa etmək üçün faydalı olacaq. Bu, Ayda və hətta Marsda gələcək insan koloniyalarında ekosistemləri yenidən yaratmağa imkan verəcək.
Üstəlik, onlar üçün radiasiyaya davamlı konteynerlər hazırlanır.
Temperaturun qəfil dəyişməsi təhlükəsi də var. Bu problemin necə həll olunacağı hələ aydın deyil. Nəhayət, layihə bütün dünya ictimaiyyətinin razılığı və əməkdaşlığı tələb edilir, lakin bu, hələ də sual altındadır... /cebheinfo.az/
