Almaniyada aparılan sorğuya görə, əhalinin 60 faizi İsrailə silah satışının əleyhinədir. Sorğuda iştirak edənlərin yalnız 31 faizi İsraillə silah ticarətinin davam etməsini istəyir.
Turkustan.az xəbər verir ki, Almaniyada aparılan sorğu nəticəsində məlum olub ki, əhalinin 60 faizi İsrailə silah tədarükünün əleyhinədir. Forsa araşdırma şirkəti 17-18 oktyabr tarixlərində Stern jurnalı üçün 7 min insanla telefon sorğusu keçirib.
Rəyi soruşulanların 60 faizi Almaniyadan İsrailə silah ixracına qarşı olduqlarını bildiriblər. Soyqırım cinayətləri törədən Almaniyadan İsrailə silah tədarükünün davam etdirilməsini dəstəkləyənlərin nisbəti 31 faiz olaraq qalıb.
Sorğuda iştirak edənlərin 9 faizi qərarsız olduğunu bildirib. Şərqi Almaniyada sorğuda iştirak edənlərin 75 faizinin İsrailə silah göndərilməsinə qarşı çıxması diqqət çəkib.
Digər tərəfdən, Almaniya son həftələrdə İsrailə silah satışını intensivləşdirib.
İqtisadiyyat və İqlim Mühafizəsi Nazirliyi oktyabrın 16-da bildirib ki, hökumət bu il oktyabrın 13-nə ümumilikdə 45,74 milyon avro dəyərində silah və hərbi texnikanın İsrailə satışını təsdiqləyib.
Nazirlik hökumətin bu il avqustun 21-dən etibarən İsrailə 14 milyon 460 min avro dəyərində silah və hərbi texnika satışına icazə verdiyini açıqlamışdı.
Belə ki, Almaniya son 8 həftə ərzində İsrailə 31 milyon avro dəyərində silah və hərbi texnika satışına icazə verib. Nazirlik həmçinin “İsrailə silah ixracına heç bir qadağa olmadığını” açıqlayıb.
Bild qəzeti Almaniyanın İsraildən satacağı silahların "soyqırım üçün istifadə olunmayacağına" dair yazılı zəmanət istədiyini açıqlayıb. İsrail sözügedən sənədi göndərdi və bunun ardınca baş nazir Olaf Scholz parlamentdə çıxış edərək, "İsrailə silah verdik və onu da təmin edəcəyik" dedi. Onun aşağıdakı ifadələri işlətdiyi qeydə alınıb:
Bu arada Almaniya hökuməti 2023-cü ildə İsrailə 327 milyon avro dəyərində silah və hərbi texnika satışını təsdiqləmişdi. Ötən il ölkənin İsrailə silah və hərbi texnika satışı 2022-ci illə müqayisədə 10 dəfə artıb.
Sözügedən materiallar arasında portativ tank əleyhinə silahlar və pulemyotlar kimi silahlar olduğu halda, İsrailə ixracın böyük hissəsi 7 oktyabr 2023-cü il tarixindən sonra təsdiqlənib.
Latın Amerikası ölkəsi Nikaraqua Almaniyanı İsrailə silah verməklə Qəzza zolağında soyqırıma töhfə verməkdə ittiham edib. Almaniya hökuməti ittihamları əsassız sayaraq rədd edib.
Digər tərəfdən Almaniyanın üçüncü ölkələr vasitəsilə İsrailə silah ixracı ilə bağlı heç bir açıqlama verilmir.
Eltac Zülfüqaroğlu/Turkustan.az
