Suriyanın şərqindəki Deyr əz-Zor əyalətində Fərat çayının qərb sahilində yerləşən İranın dəstəklədiyi qruplar ilə ABŞ qüvvələri arasında qarşılıqlı hücum həyata keçirilib.
Turkustan.az-ın əldə etdiyi məlumata görə, İranın dəstəklədiyi Fərat çayının qərb sahilində yerləşən qruplar yerli vaxtla saat 22:00-da ABŞ qüvvələrinin yerləşdiyi Koniko Qaz Təsislərinə raket hücumu həyata keçirib.
ABŞ bazasının yerləşdiyi ərazidə güclü partlayış səsləri eşidilsə də, hücumda hər hansı itki olub-olmadığı məlum deyil.
Bazada yerləşən ABŞ qüvvələri də İranın dəstəklədiyi qrupların mövcud olduğu Havicet Sakır kəndini artilleriya atəşinə tutub.
Mənbələr, Fərat çayının qərbindəki Mihkan qəsəbəsində mənşəyi məlum olmayan silahlı pilotsuz uçuş aparatının (SİHA) İranın dəstəklədiyi qruplara aid bir avtomobili hədəf aldığını bildirib.
Hücum nəticəsində 2 nəfərin öldüyü, 3 nəfərin yaralandığı bildirilib.
Fərat çayının şərqindəki Deyr əz-Zor vilayətinin torpaqları ABŞ-ın dəstəklədiyi terror təşkilatı PKK/YPG tərəfindən işğal olunub.
Deyr əz-Zor əyalətinin mərkəzi və digər kənd yerləri Əsəd rejimi və İranın dəstəklədiyi qrupların nəzarəti altındadır.
Eltac Zülfüqaroğlu/Turkustan.az
