"Bəşəriyyət sağ qalmaq üçün ulduzlararası səyahəti mənimsəməlidir".
Turkustan.az xəbər verir ki, bunu amerikalı milyarder, "SpaceX" və "Tesla" şirkətlərinin qurucusu İlon Mask X sosial şəbəkəsindəki səhifəsində bildirib.
Onun sözlərinə görə, bu gün və ya sabah bir kometanın planetlə toqquşacağı və ya Günəşin genişlənməsi nəticəsində Yerin məhv olacağı bir zərbə hadisəsi baş verə bilər.
"Kosmik sivilizasiyaya çevrilmək və ya yox olmaq yeganə iki seçimdir", deyə İlon Mask bildirib.
Bundan əvvəl "SpaceX" rəhbəri proqnozlaşdırmışdı ki, insan sivilizasiyası qalaktikanın müstəmləkəsi üçün bir milyon il davam etməlidir.
O, bəşəriyyətin dörd il ərzində Marsa enə biləcəyini və 20 ildən sonra orada özünü təmin edən bir şəhərdə yaşayacağını bildirib. İki ildən sonra Marsa ilk pilotsuz "Starship" uçuşları planlaşdırılır.
Eyni zamanda Mask bildirib ki, Demokratların namizədi Kamala Harris noyabrın 5-də keçiriləcək prezident seçkilərində qalib gəlsə, Birləşmiş Ştatlar heç vaxt birlikdə Marsa kosmik gəmi göndərməyəcək. Milyarder Ayda daimi əhalisi olan baza yaratmağı da təklif edib. /Qaynarinfo/
