Venesuelada prezident Maduroya sui-qəsd hazırlamaqda şübhəli bilinən 6 əcnəbi həbs edilib.
Turkustan.az xəbər verir ki, Venesuela, prezident Nikolas Maduroya qarşı sui-qəsd hazırladıqları iddiası ilə 3 amerikalı, 2 İspaniya və 1 Çexiya vətəndaşının həbs edildiyini açıqlayıb.
Venesuelanın daxili işlər naziri Diosdado Kabello 3 ABŞ vətəndaşı, 2 İspaniya vətəndaşı və bir Çexiya vətəndaşının prezident Maduroya sui-qəsd planlaşdırdıqları və ölkədə terror aktları törətməyə hazırlaşdıqları iddiası ilə həbs edildiyini açıqlayıb. Kabello əməliyyat zamanı 400 silahın ələ keçirildiyini bildirib.
Cabello həbs edilən iki İspaniya vətəndaşının İspaniya Milli Kəşfiyyat İdarəsi (CNI) ilə əlaqəli olduğunu iddia edib.
İddia edilib ki, İspaniya hökuməti mənbələri ölkə mətbuatına verdikləri məlumatlarda bu şəxslərin CNI üçün çalışdıqları iddiasını təkzib ediblər.
Bildirilib ki, İspaniyanın Karakasdakı səfirliyi Venesuela Xarici İşlər Nazirliyinə məhbusların şəxsiyyətini və milliyyətini yoxlamaq və təsdiqlənərsə, onların nədə ittiham olunduğunu öyrənmək üçün nota göndərib.
İyulun 28-də Venesuelada keçirilən prezident seçkilərindən sonra seçkilərin şəffaf və etibarlı keçirilmədiyi iddiası ilə başlayan müzakirələrdə İspaniya hökuməti müxalifət lideri Edmundo Qonzalesi dəstəkləyib və Venesuela ilə diplomatik böhranın başlamasına səbəb olub.
İspaniya parlamentinin Edmundo Qonzalesi Venesuela prezidenti kimi tanıması və müdafiə naziri Marqarita Roblesin Maduronu “diktator” kimi təyin etməsindən sonra Venesuelanın xarici işlər naziri İvan Gil səfiri məsləhətləşmələr üçün Madridə geri çağırıb
Venesuela parlamentinin sədri Xorxe Rodriges də İspaniya ilə "bütün diplomatik, iqtisadi və ticari əlaqələrin" kəsilməsini və İspaniya Krallığının Venesueladakı nümayəndələrinin ölkəni tərk etməsini tələb edib.
Eltac Zülfüqaroğlu/Turkustan.az
