ABŞ-ın keçmiş prezidenti Donald Trampın İsrailin baş naziri Binyamin Netanyahu ilə telefon danışığında Qəzza zolağında atəşkəs və qarşılıqlı məhbus mübadiləsi razılaşmasını müzakirə etdiyi iddia edilib.
Turkustan.az xəbər verir ki, mövzu ilə bağlı Amerikanın Axios xəbər saytına açıqlama verən adı açıqlanmayan iki ABŞ rəsmisinin verdiyi məlumata görə, dünən Tramp və Netanyahu arasında telefon danışığı olub.
Görüş zamanı Tramp və Netanyahunun Qəzzada atəşkəs və qarşılıqlı məhbus mübadiləsi razılaşmasını müzakirə etdiyi bildirilərkən, rəsmilərdən biri Trampın Netanyahuya razılaşmanı qəbul etməyi tövsiyə etməyi hədəflədiyini iddia edib.
İsrail Baş Nazirinin ofisi görüşün baş tutduğunu inkar etməsə də, Trampın seçki kampaniyasına cavabdeh olan komanda görüşlə bağlı şərh verməkdən imtina edib.
İyunun əvvəlində Fox News televiziyasına verdiyi müsahibədə Tramp deyib ki, İsrail “Qəzzada müharibəni qazanmalı, işi tez bitirməli” və əsirlərin azad edilməsini təmin etməlidir.
Eltac Zülfüqaroğlu/Turkustan.az
