Prezident Ərdoğan Suriyada Əsəd rəhbərliyinə isti mesajlar verməyə davam edərkən, bir müddətdir vasitəçilik edən İraqdan da mühüm açıqlama gəldi.
Turkustan.az xəbər verir ki, İraqın xarici işlər naziri Fuad Hüseyn Türkiyə ilə Suriya arasında Bağdadda görüş keçirmək üçün razılıq əldə edildiyini açıqlayıb.
Vaşinqtonda jurnalistlərə açıqlama verən iraqlı nazir, "Türkiyə ilə Suriya arasındakı münasibətlər mürəkkəbdir, lakin iki ölkə arasında hələ də İraq üzərindən təmaslar var. İraqın Bağdadda iki tərəfi bir araya gətirmək təşəbbüsü var. Rəhbərlik səviyyəsində təmaslar var. İraq, Türkiyə və Suriya arasında davam edir" dedi.
Rusların da vasitəçilik danışıqları apardığını xatırladan Hüseyn türkiyəli və suriyalı həmkarları ilə görüşlər zamanı görüşün Bağdadda keçirilməsi ilə bağlı ilkin razılığın əldə edildiyini bildirib. İraqın xarici işlər naziri həmçinin bildirib ki, görüşün tarixi Vaşinqtondan qayıdandan sonra müəyyənləşəcək.
İraq baş nazirinin müşaviri Məhəmməd Şia əl-Sudani də Türkiyə ilə Suriya arasında normallaşma danışıqlarının aparılması üçün lazım olan bütün səyləri etdiklərini və iki ölkənin yaxınlaşmasının İraqın da xeyrinə olduğunu bildirib.
Prezident və AKP sədri Rəcəb Tayyib Ərdoğan dünən NATO zirvəsindən qayıdarkən təyyarədə jurnalistlərə verdiyi açıqlamada Suriyada Bəşər Əsəd administrasiyası ilə yaxınlaşma ilə bağlı açıqlamalarına davam edib və bunları deyib:
"Xarici işlər naziri Hakan Fidana tapşırığı verdim. Xarici işlər nazirim indi həmsöhbətləri ilə görüşəcək və işin bütün yol xəritəsini müəyyən edəcək. İnşallah, buna uyğun addım atacağıq. Düşünürük ki, ədalətli olacaq. Suriyada sülhün mümkün olduğunu hər fürsətdə Suriyada qurulacaq bir sülhün ən əhəmiyyətli addımı olduğunu ifadə edirik Suriya ilə yeni bir dövrə başlayacağımıza ümid edirik ki, bu proses indiyə qədər müsbət istiqamətdə inkişaf etmişdir.
Eltac Zülfüqaroğlu/Turkustan.az
