“The Economist” jurnalı yazır ki, Ukrayna investorlarla borcun restrukturizasiyası ilə bağlı razılığa gələ bilməsə, avqustun əvvəlində defolta düşə bilər.
Müharibə Ukrayna iqtisadiyyatına ağır zərbə vurur; 2022-ci ildən bəri ölkənin ÜDM-i 25% azalıb. Eyni zamanda, borcun məbləği iyun ayına qədər ÜDM-in 94%-nə çatıb, The Economist qeyd edir. Kiyev Qərbdən dəstək alır, lakin əsasən nağd deyil, hərbi yardım şəklindədir, ona görə də Kiyev kəskin nağd pul çatışmazlığı ilə üzləşir.
Turkustan.az xəbər verir ki, Ukraynanın borcları üzrə ödənişlərin dayandırılması müddəti avqustun 1-də başa çatır, lakin Kiyev çətin ki, borcun bir hissəsinin silinməsi ilə bağlı özəl investorlarla razılaşa bilsin. Ən çox ehtimal olunan addımlar ödənişlərin 2027-ci ilə qədər təxirə salınması və ya defolt elan edilməsidir ki, bu da ölkənin bərpası zamanı problemlər yaradacaq.
Ukrayna Maliyyə Nazirliyi iyunun 17-də bildirib ki, Ukrayna avrobondlarının sahibləri ilə borcların restrukturizasiyası ilə bağlı razılığa gələ bilmir. Ukraynanın istiqrazlar üzrə borcu 20 milyard dollar təşkil edir.
Öz növbəsinə The Wall Street Journal (WSJ) yazıb ki, Ukraynanın avrobondlarının beşdə birinə sahib olan xarici şirkətlər qrupu borcun əhəmiyyətli hissəsinin silinməsi müqabilində Kiyevi 2025-ci ildə borcun faizlərini ödəməyə məcbur etmək niyyətindədir. Kreditorlar 500 milyon dollara qədər faiz ödənişi almağı gözləyirlər. Əks halda, Ukrayna defolt elan etməli olacaq.
Eltac Zülfüqaroğlu/Turkustan.az
