Yaponiyanın cənubundakı Okinavada bir qadını zorlamağa və yaralamağa cəhd etdiyi səbəbiylə ABŞ Hərbi Dəniz Qüvvələrinə məxsus dəniz piyadasına qarşı iddianamə hazırlandığı bildirilib.
Turkustan.az xəbər verir ki, Rəsmi Kyodo agentliyinin xəbərinə görə , Okinavada vəzifəli olan 21 yaşlı ABŞ dəniz piyadası Jamel Clayton may ayında bir qadını zorlamağa cəhd etdiyi və yaraladığı səbəbi ilə saxlanılmışdı .
Mayın 26-da qadına qarşı cinsi təcavüz cəhdindən sonra qaçdığı aşkarlanan Kleyton həmin gün Okinava polis qüvvələri tərəfindən ABŞ hərbi bazası qarşısında saxlanılıb.
İyunun 17-də Kleytona qarşı ittiham irəli sürülüb.
Okinava prefekturasının qubernatoru Tamaki Denni jurnalistlərə "Yenə də dəhşətli bir cinayət ortaya çıxdı və Okinava xalqının böyük narahatlığına səbəb oldu. Mən əsəbiləşə bilmirəm" dedi.
Nazirlər Kabinetinin Baş Katibi Hayashi Yoşimasa mətbuat konfransında "olduqca uğursuz" adlandırdığı hadisənin bölgə xalqı arasında "böyük narahatlığa səbəb olduğunu" və ABŞ vətəndaşı Kleytona qarşı ittiham aktının hazırlandığını bildirib.
Davam edən məhkəmə prosesi səbəbiylə təfərrüatları paylaşa bilməyəcəyini ifadə edən Hayaşi, Yaponiya Xarici İşlər Nazirliyinin ABŞ-ın Tokiodakı səfiri Rahm İsrael Emanuelə "oxşar hadisələrin təkrarlanmaması" üçün şikayət və istəkləri barədə məlumat verdiyini bildirdi.
- Okinava adası
ABŞ əsgərləri və hərbi obyektlərdə çalışan yerli personalın bölgədə törətdiyi cinayətlər uzun illərdir ki, Okinava əhalisinin şikayətinə səbəb kimi göstərilir.
Bildirilir ki, oxşar məhkəmə prosesləri 55 minə yaxın ABŞ əsgərinin xidmət etdiyi bilinən Yaponiyada ABŞ hərbi varlığına qarşı yerli müxalifəti gücləndirə bilər.
1945-ci ildə İkinci Dünya Müharibəsinin bitməsinə baxmayaraq ABŞ-ın nəzarətində qalan strateji əhəmiyyətli Okinava adası 1972-ci ildə Yaponiyanın hakimiyyətinə buraxıldı.
Yaponiya ərazisinin 0,6 faizini təşkil edən Okinava, ölkə daxilində ABŞ hərbi obyektlərinin ümumi ərazisinin 70,6 faizini təşkil edir.
Eltac Zülfüqaroğlu/Turkustan.az
