Britaniyanın məşhur investisiya bankı NatWest, proqnoz hesabatında 2023-cü ildə qlobal iqtisadiyyatı narahat edəcək 7 məqama diqqət çəkib. Hesabata görə, Çin hər küncdən çıxır.
Turkustan.azxəbər verir ki, dünyaca məşhur Britaniya investisiya bankı 2023-cü il üçün iqtisadi proqnoz hesabatında digər investisiya banklarından fərqli olaraq qlobal iqtisadiyyatın geosiyasi problemlərini də sadalayıb.
NatWest "Benzinlə atəşə girmək" başlıqlı hesabatında qlobal iqtisadiyyatı gərginləşdirə biləcək 7 ölkəyə diqqət çəkib. Bu ölkələrə sözsüz ki, Rusiya və Ukrayna başçılıq edir.
24 fevral 2022-ci ildə başlayan Rusiya işğalında üstünlük indi hücuma məruz qalan Ukraynadadır. Ruslar hələ də istədikləri cəbhə uğurunu göstərə bilmədilər, Qərb Ukraynanın istədiyi kimi maddi və mənəvi dəstək verib.
Ancaq NatWest-ə görə, qış hər şeyi dəyişə bilər. "Ukraynadakı sərt qış mühitinin səbəb olduğu iqtisadi və enerji xərcləri orta müddətli perspektivdə Avropa və ABŞ üçün artacaq" adlanan hesabatda Rusiya lideri Vladimir Putinin sülh razılaşmasını istəmədiyi vurğulanır.
"Sülh əldə edilsə belə, Rusiya neft və qazının dünya bazarlarına yenidən paylanması Moskvanın üzərinə ağır vergi yükü gətirəcək" deyən NatWest-ə görə, Rusiya qalib gəlsə belə, bu müharibədən zəif şəkildə çıxacaq".
Tayvan 2023-cü ildə ən qorxulu yerlərdən biridir. ABŞ Çinin təzyiqinə qarşı 2022-ci ildə bir neçə dəfə Tayvana dəstəyini təkrarladı. Pekinin qarşısında Rusiyanın Ukraynada öz təcrübəsi var... Ona görə də Çinin Tayvana bütövlükdə müharibə elan etməsi çətindir. Bununla belə, NatWest deyir ki, "Çin çox güman ki, adayı blokadaya alacaq".
Britaniya investisiya bankı qeyd edir ki, 2023-cü ilin gizli geosiyasi problemlərindən biri "ticarət müharibələri"dir. Yenə də Çin bu baxımdan önə çıxır.
Çox güman ki, Çin "dostlarına üstünlük verəcəyi" iqtisadi nizamla ticarət edəcək. NatWest Çin üçün "yumşaq gücün yüksəlişi" ifadəsini istifadə edir.
2023-cü ilin digər "qanaxma" nöqtəsi 16 sentyabr 2022-ci ildən küçə nümayişlərinə səhnə olan İran olacaq.
Terror başqa bir qorxulu məsələdir.
NatWest analitikləri beynəlxalq terrorizmin Əfqanıstan və Qərbi Afrikadan yayılmasından qorxurlar.
Təbii fəlakətlərin, iqtisadi darboğazların və siyasi qarşıdurmaların yaşandığı Pakistan və 2022-ci ildə bir-birinin ardınca raket sınaqları keçirərək Yaponiya ilə münasibətləri gərginləşdirən Şimali Koreya NatWest-in işarə etdiyi digər iki geosiyasi böhran nöqtəsidir.
Eltac Zülfüqaroğlu/Turkustan.az
