İran Xarici İşlər Nazirliyinin sözçüsü İsmayıl Bekayi bildirib ki, İran və ABŞ arasında danışıqlara qarşı çıxan İsrail öz ölkəsinə qarşı təhdidlərini həyata keçirərsə, İranın dağıdıcı cavabı ilə üzləşəcək.
Turkustan.az xəbər verir ki, Bekayi Tehranda keçirdiyi mətbuat konfransında jurnalistlərin ölkəsinin xarici siyasət gündəmi və regional hadisələrlə bağlı suallarını cavablandırıb.
İran-ABŞ danışıqlar prosesinə toxunan Bekayi iki ölkə rəsmiləri arasında dolayı danışıqların mayın 3-də keçiriləcəyini və danışıqların yerinin Oman tərəfindən açıqlanacağını bildirib.
Danışıqlarda İranın qırmızı xətlərinin nədən ibarət olduğu sualına Bekayi deyib ki, onlar İranın uranı zənginləşdirmək hüququnu qoruyur və sanksiyaları effektiv şəkildə aradan qaldırır.
Aytən Yaşar/ Turkustan.az
