Ötən gün saat 12.49-da Mərmərə dənizinin Silivri sahillərində 6,2 bal gücündə zəlzələ baş verib.
Turkustan.az xəbər verir ki, zəlzələdən sonra bu gün saat 09:00-a olan məlumata görə 266 afterşok qeydə alınıb ki, onların da ən böyüyü 5,9 bal gücündə olub. Daxili işlər naziri Ali Yerlikaya və ətraf mühit, şəhərsalma və iqlim dəyişikliyi naziri Murat Kurum zəlzələ ilə bağlı son vəziyyəti dəyərləndirib.
Nazir Kurum açıqlamasında bu ifadələri işlədib: "Dünən günortadan sonra 6,2 bal gücündə zəlzələ ilə əlaqədar hamımızı təşviş və qorxu bürüdü. Allah ölkəmizi və millətimizi hər cür fəlakətdən qorusun. Dünən zəlzələ baş verən kimi dərhal fəlakət bölgəsində hərəkətə keçdik. AFAD Mərkəzinə getdik, nazirlərimizlə görüşdük və vətəndaşlarımıza məlumat verdik.
39 rayonda AFAD koordinasiya xidmətləri bizim rayon qubernatorluğu vasitəsilə xidmətə verilib. 1399 bina bildirişi aldıq. Qruplar araşdırma aparıblar. Binalarımızdan 7-si cüzi zədələnib, bundan başqa orta və ya ciddi ziyan yoxdur. Fatihdə tərk edilmiş bina sökülüb. Sahə işlərimizi davam etdiririk. Bu yoxlamaları 3 min zərər qiymətləndirmə qrupunun İstanbulun hər yerində gedərək qiymətləndirmələrini apararaq həyata keçirəcəyik . Biz 28500 ictimai binada yoxlamalara başlamışıq. Biz bunu ehtiyat tədbiri kimi edirik.
Yataqxanalara baxış keçirdik. Yataqxanalarda hər hansı ziyan aşkarlanmayıb. Bu gün xəstəxanalarımıza baxış keçirəcəyik. Biz sizə şəffaf şəkildə məlumat verəcəyik".
Aytən Yaşar/ Turkustan.az
