Ukraynada sülhün əldə olunması üçün Ukrayna qoşunlarının Rusiyanın tərkibinə daxil olan Donbass və Novorossiya vilayətlərinin ərazilərindən çıxarılması zəruridir.
Turkustan.az xəbər verir ki, bunu Fransanın “Le Point” jurnalına müsahibəsində Rusiya prezidentinin mətbuat katibi Dmitri Peskov deyib.
O, jurnalın müxbiri Ann Nivanın bu şərt yerinə yetirildiyi təqdirdə münaqişənin bitib-bitməyəcəyi ilə bağlı sualını cavablandırarkən deyib: “Əgər Ukrayna öz qoşunlarını bu dörd regiondan çıxararsa, bəli”.
O xatırladıb ki, bu regionlar Rusiya Federasiyasının Konstitusiyasında onun tərkib hissələri kimi təsbit olunub. Peskov həmçinin qeyd edib ki, hazırda bu rayonların bəzi əraziləri hələ də Kiyev rejimi tərəfindən işğal olunub. "Referendumların nəticələrinə əsasən, bu ərazilər Rusiya Federasiyasının inzibati sərhədlərinə daxil edilib. Bizim nöqteyi-nəzərimizdən bu, həm de-yure, həm də de-fakto vəziyyətdir"-deyə, Peskov bildirib.
Aytən Yaşar/ Turkustan.az
