Ukrayna prezidenti Zelenski Ukraynanın Rusiyaya mülki infrastruktura hücumları dayandırmaq təklifini təkrarlayıb və bu təklifi müzakirə etmək üçün heç bir maneə olmadığını bildirib.
Turkustan.az xəbər verir ki, Zelenski: "Mülki infrastruktura hücumları dayandırmaq təklifimiz masada qalır. Lazım olan odur ki, Rusiya bu söhbətə həqiqətən hazır olsun!"-deyə, vurğulayıb.
Kremlin sözçüsü Dmitri Peskov Rusiya prezidenti Vladimir Putinin bu məsələni həll etməyə hazır olduqlarını ifadə etdiyinə diqqət çəkərək, "Bu məsələ Pasxa bayramında elan edilən müvəqqəti atəşkəsin təhlili ilə müzakirə edilməlidir. Mülki infrastrukturların hansı hallarda hərbi hədəf ola biləcəyi və ola bilməyəcəyi müəyyən edilməlidir" deyib.
Kreml bəyan edib ki, Ukrayna müəyyən maneələri aradan qaldırmağa razı olarsa, belə təmaslar baş tuta bilər.
Aytən Yaşar/ Turkustan.az
