Hindistanın şimalında yerləşən universitetdən birində ildırımın beş tələbəni vurması dəhşətli anı lentə alıb.
Turkustan.az xəbər verir ki, kadrlarda bir qrup tələbənin leysan yağışdan çarəsizcə ağacın altına sığındığı görünür. Ancaq yağışın dayandığını düşünəndə dəhşətli bir hadisə baş verib. Qısa bir işıq parıltısından sonra ildırım çaxır.
İldırım çaxan kimi bir qrup tələbə dərhal yerə yıxılır. Flaşdan dərhal sonra beş tələbənin hamısının yerdə hərəkətsiz uzandığı görünür.
Bu hadisə yoldan keçən bir neçə nəfərin diqqətini çəkir və onlar dönüb tələbələrə narahatlıqla baxırlar.
Videonun küncündə bəzi insanların təşviş içində qaçdığını görmək olar.
Qısa müddətdən sonra tələbələrdən biri yerdə huşsuz yatan dostlarının arasından çətinliklə ayağa qalxa bilir. Bir an belə tərəddüd etmədən cəld hadisə yerindən qaçır.
O, huşunu itirmiş tələbələrə kömək etməyə tələsən bir qrup yaxşı niyyətli insanla dərhal sonra qayıdır.
Video çəkiliş bitən kimi yeni gələnlər yaralıların vəziyyətini yoxlamağa başlayırlar. Bu dəhşətli hadisədə ildırımın vurduğu bütün tələbələrin yanıq xəsarətləri aldığı bildirilib. İki tələbənin vəziyyətinin çox ağır olduğu deyilir.
İldırım vurma ehtimalı çox az olsa da, bəzi təhlükəsizlik tədbirlərinə əməl etmək vacibdir.
Aytən Yaşar/ Turkustan.az
