ABŞ administrasiyasında ağıllı adamlar peyda olub, Rusiya onlarla iki ölkənin diplomatik nümayəndəliklərinin fəaliyyəti ilə bağlı məsələləri müzakirə edir.
Turkustan.az xəbər verir ki, bu barədə Rusiyanın xarici işlər naziri Sergey Lavrov “Kommersant” qəzetinə müsahibəsində bildirib.
"İndi ABŞ administrasiyasında ağlabatan insanlar var ki, onlar Baydenin himayədarları getdikdən və ya kənara çəkildikdən sonra nəhayət orda peyda olublar. Onlar bizimlə diplomatik münasibətləri kəsmədiyiniz ölkədə diplomatik missiyanın fəaliyyətinin elementar görünən məsələlərini həll edirlər"-deyə, Lavrov qeyd edib.
Rusiya Xarici İşlər Nazirliyinin məlumatına görə, Moskva və Vaşinqton məsləhətləşmələrin növbəti raundunda İstanbulda qaldırılan məsələlərin həlli yollarını tapmaq niyyətindədirlər.
Aytən Yaşar/ Turkustan.az
