ABŞ Dövlət Departamenti ABŞ-ın Ukraynadakı səfiri Bridcet Brinkin gözlənilən istefasını təsdiqləyib.
Turkustan.az xəbər verir ki, müvafiq bəyanatı jurnalistlər üçün keçirilən növbəti brifinqdə ABŞ Dövlət Departamentinin mətbuat xidmətinin rəhbəri Temmi Bryus verib.
Brinkin Kiyevdəki Amerika diplomatik missiyasının rəhbəri vəzifəsindən gözlənilən istefasını təsdiqləmək üçün Bryus: "Bəli, o evə qayıdır. O, əla iş gördü və biz ona ən yaxşısını arzulayırıq"-deyə, bildirib.
Daha əvvəl Reuters mənbələrə istinadən xəbər vermişdi ki , Brink yaxın həftələrdə istefa vermək və diplomatik xidməti tərk etmək niyyətindədir . Qeyd olunub ki, Brink öz xahişi ilə vəzifəsini tərk edəcək. Öz növbəsində, CBS televiziya şirkəti bildirib ki, Brink istefa məktubunu hələ yanvar ayında administrasiyalar dəyişdikdə təqdim edib, lakin ABŞ dövlət katibi Marko Rubio onu Kiyevdəki Amerika diplomatik missiyasının rəhbəri postunda buraxmaq ümidi ilə əvvəlcə bunu rədd edib.
Reuters qeyd edib ki, Brinkin istefasından sonra ABŞ-ın Ukraynadakı səfiri postunu kimin üzərinə götürə biləcəyi hələlik məlum deyil. Onun sözlərinə görə, bu vəzifəyə dövlət katibinin Avropa və Avrasiya məsələləri üzrə köməkçisinin müavini Kristofer Smitin namizədliyinin irəli sürülə biləcəyi istisna edilmir.
Aytən Yaşar/ Turkustan.az
