Birləşmiş Ştatlar Amerikanın Avropadakı gələcək hərbi mövcudluğunun səviyyələri ilə bağlı hələ qərar qəbul etməyib, o cümlədən bu Moskva ilə Vaşinqton arasında aparılan danışıqların nəticələri nəzərə alınmaqla hazırlanacaq.
Turkustan.az xəbər verir ki, bu barədə ABŞ-ın müdafiə naziri Pit Heqset Panama səfərindən sonra bildirib.
"Mən bundan başlayardım: Avropadakı Amerika qüvvələrinin strukturu ilə bağlı qərar verəcək yeganə şəxs prezident Donald Tramp baş komandan olacaq və biz Ukrayna və Rusiya ilə danışıqlar kontekstində, qitədəki güc mövqeyimizin Amerikanın maraqlarına ən yaxşı şəkildə xidmət edən və həmçinin Avropanın yükünü bölüşdürməsini təmin edən müzakirələri davam etdirəcəyik".
Bundan əvvəl NBC televiziyası Amerika və Avropa rəsmilərinə istinadən xəbər vermişdi ki, Pentaqon Şərqi Avropadan 10 minə qədər hərbçini çıxarmaq imkanını nəzərdən keçirir. Onun sözlərinə görə, söhbət ABŞ-ın əvvəlki administrasiyası tərəfindən 2022-ci ildə Ukrayna ilə həmsərhəd ölkələrə göndərilən 20 min nəfərlik qrupun yarısından gedir.
Aytən Yaşar/ Turkustan.az
