ABŞ: İstanbulda Rusiya ilə görüş Ukrayna ilə bağlı deyil

ABŞ Dövlət Departamentinin sözçüsü Tammy Bruce aprelin 10-da İstanbulda ABŞ və Rusiya nümayəndə heyətləri arasında keçirilən ikinci görüşün Ukraynanın təhlükəsizliyi ilə bağlı olmadığını bildirib.

Turkustan.az xəbər verir ki, Brüs Xarici İşlər Nazirliyində keçirilən gündəlik mətbuat konfransında Qara dənizin şimalında və Yaxın Şərqdə baş verən hadisələrlə bağlı jurnalistlərin suallarını cavablandırıb.

ABŞ və Rusiya nümayəndə heyətlərinin İstanbulda görüşəcəyini təsdiqləyən Brüs: "ABŞ və Rusiya nümayəndə heyətləri ikitərəfli missiyalarımızın əməliyyatlarının daha da sabitləşdirilməsində irəliləyiş əldə etmək üçün aprelin 10-da İstanbulda ikinci dəfə görüşəcək" deyib.

O, danışıqlar zamanı heç bir siyasi və ya təhlükəsizliklə bağlı məsələnin gündəmdə olmayacağını və bu görüşdə Ukraynanın qətiliklə gündəmdə olmayacağını vurğulayıb.

Nümayəndə heyətləri arasında keçirilən görüşə diqqət çəkən Brüs: "Bu danışıqlarda ümumi olaraq ikitərəfli münasibətlərin normallaşdırılmasına deyil, yalnız səfirliyimizdəki əməliyyatlara diqqət yetirilir. Bu, yalnız Rusiya ilə Ukrayna arasında sülh əldə edildikdə baş verə bilər"-deyə, bildirib.

Brüs iki Çin vətəndaşının Ukraynada Rusiya adına döyüşməsi ilə bağlı xəbərlərdən xəbərdar olduqlarını və Çinin Ukraynadakı müharibədə Rusiyanın ən böyük dəstəkçisi olduğunu qeyd edib.

"Çin Rusiyanın müharibə aparmaq üçün ehtiyac duyduğu ikili təyinatlı (mülki və hərbi) materialların demək olar ki, 80 faizini təmin edir".

Aytən Yaşar/ Turkustan.az