Netanyahu təhdid etdi: "İranla razılaşmasaq, hərbi varianta əl atacağıq"

İsrailin baş naziri Benyamin Netanyahu, mümkün razılaşmada İranın nüvə obyektlərinin ABŞ-ın nəzarəti altında məhv edilmədiyi təqdirdə “hərbi variantın gündəmdə olacağını” təklif edib.

Turkustan.az xəbər verir ki, Netanyahu Vaşinqtona rəsmi səfəri zamanı videomüraciət yayıb.

ABŞ prezidenti Donald Trampla İranın nüvə silahına malik olmaması mövzusunda həmfikir olduqlarını bildirən Netanyahu Tehranın bu silahlara sahib olmasının da razılaşma yolu ilə əldə edilə biləcəyini bildirib.

Netanyahu təklif edib ki, istənilən mümkün razılaşma İranın nüvə obyektlərinin ABŞ nəzarəti altında tamamilə məhv edilməsini və onların avadanlıqlarının sökülməsini tələb edəcək.

Netanyahu Qəzza zolağında fələstinlilərin zorla köçürülməsi planına da toxunaraq, dünən ABŞ prezidenti Trampla görüşdə də bu məsələni müzakirə etdiklərini bildirib.

O, Qəzzada insanların məcburi köçkünlüyünü ehtiva edən planın bir hissəsi olaraq bu fələstinliləri qəbul etmək üçün bəzi ölkələrlə danışıqlar apardıqlarını iddia etdi.

İsrailin baş naziri Trampın elan etdiyi bu planın “gec-tez həyata keçirilməli olduğunu” müdafiə edib.

Netanyahu həmçinin Türkiyənin Suriyada hərbi bazalar qurmaq istədiyini və bunun “İsrail üçün təhlükə yaratdığını” iddia edib.

Aytən Yaşar/ Turkustan.az