Çin ABŞ-ın ölkədən “qarşılıqlı tariflər” çərçivəsində idxal etdiyi məhsullara tətbiq etdiyi 34 faizlik tarif artımına cavab olaraq qlobal tədarükünün böyük hissəsini təmin etdiyi bəzi nadir torpaq elementlərinin ixracına məhdudiyyətlər qoyub.
Turkustan.az xəbər verir ki,Çin Ticarət Nazirliyindən verilən açıqlamaya görə, samarium, gadolinium, terbium, disprosium, lutesium, skandium, ittrium və onların ərintiləri daxil olmaqla 7 kateqoriyada orta və ağır nadir metallar aprelin 4-dən etibarən ixrac nəzarəti siyahısına daxil ediləcək.
Bu kontekstdə Çin tədarükçüləri sözügedən nadir torpaq elementlərini ancaq hökumətin icazəsi ilə ixrac edə biləcəklər. Digər tərəfdən, Çin gömrük məmurları tərkibində məhdudlaşdırılan elementlərin olduğu şübhəli yükləri ələ keçirə bilər. Çinin qlobal tədarükünün böyük hissəsini təmin etdiyi sözügedən elementlər silah sistemlərindən yüksək performanslı mühərriklərə, nüvə reaktorlarından elektron və optik avadanlıqlara, kosmik gəmilərdən tibbi görüntüləmə maşınlarına, batareyalardan və yanacaq elementlərindən yarımkeçiricilərə və superkeçiricilərə qədər geniş çeşiddə məhsullarda istifadə olunur.
Aytən Yaşar/ Turkustan.az
