ABŞ-ın yeni gömrük qərarları dünyada iqtisadi dalğalanmalara səbəb olub.
Turkustan.az xəbər verir ki, bu tariflər Asiyanın müxtəlif ölkələrində, xüsusən də Çində istehsal edən Apple şirkətini vurdu.
Texnologiya nəhəngi “Apple” ABŞ prezidenti Donald Trampın bu yaxınlarda elan etdiyi tariflərdən ən çox təsirlənən şirkətlərdən biri olub. Ötən gün şirkətin səhmləri 9,2 faiz ucuzlaşıb.
Şirkətin Asiya ölkələrində, xüsusilə Çində istehsal sahələri və müqavilələri var. Son tariflərin xərclərin artması səbəbindən şirkəti qiymətləri artırmağa məcbur edəcəyi ilə bağlı narahatlıqlar var. Morgan Stanley analitiki Erik Vudrinq mövzu ilə bağlı bir qiymətləndirmə edərək, " Apple tədarük zəncirini şaxələndirmək üçün Vyetnam, Hindistan və Tayland kimi bazarlara üz tutdu. Ancaq bu ölkələr də qarşılıqlı tariflərə tabedir. Bu səbəbdən qaçış yoxdur. Apple ABŞ-dakı məhsul qiymətlərini bu tarifləri yüzdə 17-18 nisbətində artırmaq məcburiyyətində qala bilər."
Rosenblatt Securities analitikləri iPhone xərclərinin 43 faiz artacağını proqnozlaşdırır və Apple bu xərclərin nə qədərinin istehlakçılara keçəcəyinə qərar verməli olacaq.
Aytən Yaşar/ Turkustan.az
