Qəzzada Fələstin Səhiyyə Nazirliyi tərəfindən edilən yazılı açıqlamada İsrailin Qəzzada davam edən hücumlarında ölən və yaralananlarla bağlı son məlumat paylaşılıb.
Turkustan.az xəbər verir ki, İsrail ordusunun son 24 saat ərzində həyata keçirdiyi hücumlarda həyatını itirən 60 nəfərin cənazəsinin bölgədəki xəstəxanalara çatdırıldığı bildirilib.
Hücumlarda 162 nəfərin yaralandığı bildirilib.
Yanvarın 19-da razılaşdırılmış atəşkəsi pozan İsrail ordusunun martın 18-dən bu yana həyata keçirdiyi hücumlarda 1309 fələstinlinin həyatını itirdiyi, 3184 fələstinlinin isə yaralandığı bildirilib.
İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həyatını itirənlərin sayının 50 min 669 nəfərə, yaralı sayının isə 115 min 225 nəfərə yüksəldiyi bildirilib.
Bəyanatda dağıntılar altında və çatıla bilməyən yollarda hələ də çoxlu cəsədin olduğu, İsrailin təcili yardım və mülki müdafiə qruplarının onlara çatmasına mane olduğu da qeyd olunub.
Aytən Yaşar/ Turkustan.az
