İsrailin baş naziri Benyamin Netanyahu bazar ertəsi Vaşinqtona səfər edərək ABŞ prezidenti Donald Trampla görüşməyi planlaşdırır.
Turkustan.az xəbər verir ki, bu barədə Axios portalı öz mənbələrinə istinadən məlumat yayıb .
Onun sözlərinə görə, tərəflər ABŞ-ın tətbiq etdiyi idxal rüsumlarını, İranın nüvə proqramı və Qəzza zolağındakı vəziyyəti müzakirə edəcəklər. Axios qeyd edir ki, səfər əvvəlcə aprelin ortalarına planlaşdırılıb. Portalın mənbələri bildiriblər ki, İsrail baş nazirinin iştirak edəcəyi gözlənilən korrupsiya işi üzrə İsraildə keçiriləcək məhkəmə iclasları səbəbindən səfərin tarixləri hələ də dəyişə bilər.
Axios xəbər verir ki, Netanyahu ABŞ-İran nüvə razılaşmasının şanslarının zəif olduğuna inanır və diplomatiya uğursuz olarsa, İranın nüvə obyektlərinə zərbə endirmək üçün Trampla danışıqlar aparmaq istəyir.
Aprelin 4-də Tramp bildirib ki, İran rəhbərliyi Vaşinqtonla dialoqu vasitəçilər vasitəsilə deyil, birbaşa danışıqlar yolu ilə aparmaq istəyir.
Aytən Yaşar/ Turkustan.az
