ABŞ prezidenti Donald Tramp TikTok-un ABŞ şirkətinə satılmadığı təqdirdə ölkədə qadağan olunmasını nəzərdə tutan qanunun dayandırılmasını 75 gün uzaddığını açıqlayıb.
Turkustan.az xəbər verir ki, Tramp “Truth” sosial media hesabında mövzu ilə bağlı paylaşım edib.
"Mənim administrasiyam Tik-Tok-u xilas etmək üçün sövdələşmə üzərində çox çalışırdı və biz böyük irəliləyiş əldə etdik. Müqavilə bütün lazımı təsdiqləri almaq üçün daha çox iş tələb edir, ona görə də Tik-Tok-un daha 75 gün açıq qalması üçün sərəncam imzalayıram"-deyə, Tramp bildirib.
Çinlə yaxşı niyyətlə işləməyə davam etmək ümidində olduqlarını ifadə edən Tramp, Çinin ikitərəfli tariflərdən çox da məmnun olmadığını anladığını və tariflərin Çin ilə ABŞ arasında ədalətli və balanslı ticarət üçün zəruri olduğunu vurğulayıb.
Tramp qeyd edib ki, bu vəziyyət tariflərin ən güclü iqtisadi alət olduğunu və ABŞ-ın milli təhlükəsizliyi üçün həlledici əhəmiyyət daşıdığını sübut edir.
"Biz Tik-Tok-un qaralmasını istəmirik. Biz razılaşmanı yekunlaşdırmaq üçün Tik-Tok və Çin ilə işləməyi səbirsizliklə gözləyirik"-deyə, ABŞ lideri əlavə edib.
Aytən Yaşar/ Turkustan.az
