Suriyada QSD adından istifadə edən terror təşkilatı PKK/YPG Dəməşq rəhbərliyi ilə imzaladığı razılaşmaya əsasən Hələbin şəhər mərkəzindən çəkilməyə başlayıb.
Turkustan.az xəbər verir ki, Hələbin Şeyx Məqsud və Əşrəfiyyə məhəllələrini 2012-ci ildə işğal edən terrorçular aprelin 1-də bu məhəllələrlə bağlı imzalanan yeni razılaşmaya əsasən Fəratın şərqinə doğru geri çəkilirlər.
Təxminən 250 terrorçunu daşıyan cəmi 35 maşından ibarət ilk karvan Hələbdən ayrılıb. Karvanda üzərində ağır silahlar olan hərbi maşınlar və silah və ya sursat olduğu düşünülən bir brezent yük maşını var idi.
Əllərində PKK/YPG əşyalarını daşıyan terrorçular Müdafiə Nazirliyinə bağlı qüvvələrin himayəsi altında Hələbi tərk ediblər.
Terrorçuların çıxarılmasının yaxın günlərdə də davam edəcəyi gözlənilir.
Aytən Yaşar/ Turkustan.az
