ABŞ prezidenti Donald Tramp ölkəyə gələn investorlara onun siyasətlərinin heç vaxt dəyişməyəcəyini bildirib.
Turkustan.az xəbər verir ki, Tramp özünün Truth sosial media hesabında ABŞ-a gələn və külli miqdarda pul yatıran investorlara müraciət edib.
Tramp: "Siyasətlərim heç vaxt dəyişməyəcək. Hər zamankindən daha zəngin olmaq üçün əla vaxtdır"-deyə, bildirib.
Açıqladığı tariflərin ölkədə investisiya və istehsalı artıracağını müdafiə edən Tramp dünənki açıqlamasında tariflərdən qaçmaq üçün ABŞ-da istehsal etmək istəyən şirkətlərdən ölkəyə “trilyonlarla dollar sərmayə” gələcəyini bildirib.
ABŞ-da artıq bir çox istehsal müəssisələrinin tikildiyini və indi çoxlu tikinti işlərinin aparılacağını qeyd edən Tramp tariflərin “ABŞ-ı çox zənginləşdirəcəyini” bildirib.
Aytən Yaşar/ Turkustan.az
