“İsrailin Baş naziri Benyamin Netanyahunun beynəlxalq siyasətdə önəmli bir fiqur olması səbəbilə, onun Budapeştdə səfəri beynəlxalq diqqəti cəlb edir. Macarıstan hökumətinin Beynəlxalq Cinayət Məhkəməsindən (ICC) çıxmaq qərarını Netanyahunun səfəri ilə eyni vaxta təsadüf etməsi də diqqət çəkir. Bunu İsrailin baş naziri birgə mətbuat konfransında minnətdarlıqla qarşılayıb”.
Bu fikirləri Bizim.Media-ya açıqlamasında macarıstanlı politoloq Tibor Attila Nad bildirib.
Macarıstan Netanyahuya görə Beynəlxalq Cinayət Məhkəməsindən çıxdı?
İsrail Baş nazirinin dünya mediasındakı səs-küylü Macarıstan səfərini şərh edən analitik, Baş nazirin həbs edilməməsini ikitərəfli münasibətlərlə əlaqələndirib.
“Netanyahunun və Macarıstanın Baş naziri Viktor Orbanın arasında siyasi əlaqələr yaxşıdır və Macarıstan tərəfinin İsrail Baş nazirini həbs etməsi üçün heç bir səbəbi yox idi. Çünki bu, böyük bir qalmaqala səbəb ola bilərdi (almanlar da İsrail Baş nazirinin həbsinə istəkli deyillər).
Beynəlxalq Cinayət Məhkəməsindən çıxmaq niyyəti həmçinin Macarıstanın Netanyahunun həbs qərarını gözardı etməyi əsaslandırmağa çalışan hüquqi bir cəhddir. Netanyahunun səfəri həmçinin İsrail Baş nazirinə (məsələn, Qəzza müharibəsi ilə bağlı) bəyanatlar vermək üçün bir fürsət yaradacaq və bu, əlavə diqqət çəkəcək”, - deyə T.Attila qeyd edib.
Tibor Attila Nad əlavə edib ki, Macarıstan-İsrail əlaqələri yüksək səviyyədədir.
“Elə bu səbəbdən də, Macarıstan beynəlxalq Cinayət Məhkəməsinin qərarı rəsmi Budapeşt tərəfindən qəbul edilmir. Digər tərəfdən, səfərin məqsədi ikitərəfli əlaqələri daha da inkişaf etdirmək, investisiyaları dəstəkləmək və müdafiə əməkdaşlığını gücləndirməkdir. Macarıstan, Avropa İttifaqı orqanlarında "İsrailin səsi" olmağa davam edəcəyinə vəd verir, yəni İsraili güclü şəkildə pisləyən Aİ-nin qərar layihələrini yumşaltmağa çalışacaq.
Macarıstan, İsraili digər beynəlxalq təşkilatlarda (məsələn, BMT-də) dəstəkləməyə davam edəcəyini bəyan edir. Ümumilikdə, hazırda Macarıstan ilə İsrail arasında strateji bir alyans mövcuddur və bu səfərlə bu alyansın daha da möhkəmləndirilməsi gözlənilir”, - deyə analitik bildirib.
