Avropa İttifaqının tənzimləyiciləri İlon Maskın X sosial media platforması üçün 1 milyard dolları keçə biləcək cərimə tətbiq etməyi planlaşdırır.
Turkustan.az xəbər verir ki, cəzanin əsas səbəbi platformanın qanunsuz məzmun və dezinformasiya ilə mübarizə məqsədilə qəbul edilmiş Rəqəmsal Xidmətlər Aktı ilə bağlı iddialara əməl etməməsidir. Bu qanun sosial media platformalarından məzmunun moderasiyası ilə bağlı daha sərt tədbirlər görməsini tələb edir.
Səlahiyyətlilər deyirlər ki, cəza nəinki böyük cəriməni əhatə edə bilər, həm də platformada müxtəlif dəyişiklikləri tələb edə bilər. Sanksiya qərarının bu yay açıqlanması gözlənilir. Avropa hakimiyyət orqanları cərimənin məbləğini müəyyən edərkən ABŞ-Aİ ticarət siyasəti, tariflər və Ukrayna müharibəsi kimi məsələləri, həmçinin Donald Trampın mümkün reaksiyasını nəzərə alır.
Bir mənbəyə görə, Aİ tənzimləyiciləri digər texnoloji şirkətləri Rəqəmsal Xidmətlər Qanununa əməl etməyə təşviq etmək üçün X-ə qarşı cərimədən çəkindirici nümunə kimi istifadə etməyi planlaşdırır. Bu səbəbdən də veriləcək cəzanın 1 milyard dolları keçə biləcəyi bildirilir.
Aytən Yaşar/ Turkustan.az
