Strateji sabitlik və silahlara nəzarət məsələləri Rusiya Federasiyası ilə ABŞ arasında dialoq çərçivəsində hələlik müzakirə edilmir.
Turkustan.az xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov məlumat verib.
"Xeyr, bu məsələlər hələ müzakirə olunmur. Ümumiyyətlə, strateji sabitlik və silahlara nəzarət mövzusu gündəmdə əsas yer tutsa da, biz hələ o nöqtəyə çatmamışıq"-deyə, Kreml sözçüsü bildirib.
Müttəfiqlərin Avropadakı Ali Baş Komandanı, ABŞ generalı Kristofer Kavoli daha əvvəl bildirmişdi ki, Avropa ABŞ-dan öz ərazisində uzaq mənzilli hipersəs silahları yerləşdirməyi xahiş edib. Kavoli həmçinin Vaşinqtonun 2019-cu ildə Orta və Mənzilli Nüvə Qüvvələri (INF) Müqaviləsindən çıxmasını vacib addım adlandırıb və bundan yararlanmağa çağırıb.
Aytən Yaşar/ Turkustan.az
