ABŞ prezidenti Donald Tramp Avropa İttifaqının (Aİ) vəsaitlərindən sui-istifadə etdiyi üçün məhkəmə prosesində korrupsiyada təqsirli bilinən fransız siyasətçi Marin Le Penə dəstəyini bildirib.
Turkustan.az xəbər verir ki, Tramp “Truth” sosial media hesabında mövzu ilə bağlı paylaşım edib.
Le Penin hazırkı vəziyyəti ilə özünün siyasi prosesləri arasında oxşarlıqlar olduğunu iddia edən Tramp deyib: "Marin Le Penə qarşı cadu ovu, Avropada solçuların qanundan ifadə azadlığını susdurmaq və siyasi rəqiblərini senzuraya salmaq üçün silah kimi istifadə etmələrinin başqa bir nümunəsidir. Bu dəfə onlar bunu daha da irəli aparırlar, rəqiblərini həbs etmək həddinə çatdırırlar".
Aytən Yaşar/ Turkustan.az
