Fransa prezidenti Emmanuel Makron ABŞ prezidenti Donald Trampın yeni tariflərini “sərt və əsassız” hesab etdiyini bildirib.
Turkustan.az xəbər verir ki, Makron paytaxt Parisdə tariflərdən təsirlənəcək sektorların nümayəndələri ilə görüşüb.
Makron ABŞ-da fəaliyyət göstərən fransız şirkətlərindən Trampın Avropa İttifaqına (Aİ) qarşı tarif artımı elanı “aydınlaşana qədər” ölkədəki bütün investisiya layihələrini dayandırmağı xahiş edib.
Avropalıları bu vəziyyətə qarşı birləşməyə davam etməyə çağıran Makron, Aİ-nin yaxın günlərdə ABŞ-a qarşı atacağı addımlar barədə məlumat verib.
O, Trampın qərarlarının ABŞ və xalqını zəiflədəcəyini qiymətləndirərək, Qərbdə sənayesizləşmə fonunda tariflər tətbiq etmək əvəzinə daha çox istehsal edilməli olduğunu bildirib.
Aytən Yaşar/ Turkustan.az
