Ukrayna prezidenti Vladimir Zelenski bildirib ki, ABŞ və Rusiya müharibədə qeyd-şərtsiz atəşkəsə nail olmaq üçün danışıqları davam etdirirlər.
Turkustan.az xəbər verir ki, Ukraynanın Çerniqov vilayətinə səfər edən Zelenski yerli rəsmilərlə görüşdə Rusiya-Ukrayna müharibəsindən danışıb.
Zelenski Ukraynanın ərazi bütövlüyü uğrunda mübarizə apardıqlarını və Rusiyanın işğal etdiyi rayonları “Rusiya ərazisi” kimi tanımayacaqlarını bəyan edib.
Ukraynanın bütün ərazilərini geri alması ilə əslində sülhün tam təmin oluna biləcəyini qeyd edən Zelenski deyib:
"Əgər diplomatik kanallar vasitəsilə zamanla bu torpaqların qaytarılması ilə bağlı razılıq əldə olunarsa, düşünürəm ki, bəlkə də bəzi torpaqlar üçün bu, yeganə yol olacaq. Ona görə də biz Ukraynanın ərazi bütövlüyünü bərpa etmək üçün hər şeyi edəcəyik".
Müharibənin “tezliklə” bitməsini istədiklərini vurğulayan Zelenski, Ukraynanın Səudiyyə Ərəbistanındakı danışıqlarda ABŞ-ın “şərtsiz atəşkəs” təklifini qəbul etdiyini xatırladıb.
Aytən Yaşar/ Turkustan.az
