ABŞ dövlət katibi Marko Rubio ölkəsinin NATO-ya sadiqliyini vurğulayaraq bildirib ki, o, avropalı müttəfiqlərdən müdafiə xərclərini ümumi daxili məhsulun (ÜDM) 5 faizinə qədər artırmaq öhdəliyi götürəcəklərini gözləyir.
Turkustan.az xəbər verir ki, Rubio Brüsseldə keçirilən iki günlük NATO Xarici İşlər Nazirləri Toplantısının girişində mətbuata açıqlama verib.
İlk dəfə NATO toplantısına qatılmaqdan məmnunluğunu ifadə edən Rubio: "ABŞ NATO-da əvvəlkindən daha fəaldır. Qlobal mediada və ABŞ-da bəzi yerli mətbuatda NATO ilə bağlı gördüyüm bu isteriya və şişirtmələrin bir qismi yersizdir. ABŞ prezidenti (Donald) Tramp NATO-nu dəstəklədiyini açıq şəkildə ifadə etdi. NATO-da qalacağıq"-deyə, bildirib.
Rubio ABŞ-ın NATO-nun daha güclü olmasını istədiyini vurğulayaraq, "Biz NATO-nun daha canlı olmasını istəyirik. NATO-nun daha güclü və canlı olmasının yeganə yolu tərəfdaşlarımızın, bu mühüm ittifaqı təşkil edən milli dövlətlərin daha çox imkanlara sahib olmasıdır"-deyə, əlavə etdi.
Aytən Yaşar/ Turkustan.az
