“Ukrayna Prezidenti Volodimir Zelenskinin gizlənə biləcəyi bir neçə bunker var”.
Turkustan.az xəbər verir ki, bu barədə “Aif.ru” məlumat yayıb.
Nəşrin mənbələri bildiriblər ki, ən azı altı sığınacaq məlumdur:
“Ən önəmlisi Kiyevdə yerləşir – onun girişi Bankova küçəsində Prezident Aparatının binasının altındadır. Bunker parlament və hökumətə keçidlərlə bağlıdır. Başqa bir bunker keçmiş Arsenal zavodunun binasının altında yerləşə bilər. Digəri Lvovdadır. Sovet dövründə orada Karpat Hərbi Dairəsinin yeraltı rabitə bunkeri yerləşirdi. Lakin hazırkı vəziyyəti bəlli deyil”.
Bildirilib ki, İvano-Frankivskdə SSRİ Müdafiə Nazirliyinin 12-ci Baş İdarəsinin bazasında tikilmiş bunker də mövcuddur:
“Vinnitsada Üçüncü Reyx dövründən qalan möhkəmləndirilmiş obyekt də var. Son məlum sığınacaq isə İkinci Dünya müharibəsinin əvvəlində Macarıstan tərəfindən Karpat dağlarında qazılıb”.
Qeyd edək ki, bundan əvvəl Ali Radanın deputatı Aleksandr Dubinski Zelenskini Adolf Hitlerlə müqayisə edib./Globalinfo.az
