İsrail mediası baş nazir Netanyahunu daşıyan təyyarənin bu gün səhər tezdən Macarıstanın paytaxtı Budapeştə endiyini və baş nazirin rəsmi mərasimlə qarşılandığını bildirib.
Turkustan.az xəbər verir ki, İsrail mediası BCM-nin həbs qərarı verdiyi Netanyahunu daşıyan təyyarənin keçdiyi marşrutla bağlı təfərrüatları paylaşmayıb.
Netanyahunun Macarıstana səfəri onun BCM-nin həbsinə dair orderdən sonra BCM-yə üzv olan ölkəyə ilk səfəri kimi qeydə alınıb.
Digər tərəfdən, İsrail mətbuatı Netanyahunun mübahisəli səfəri zamanı Macarıstanın Beynəlxalq Cinayət Məhkəməsindən çıxmağı planlaşdırdığını yazıb.
BCM tərəfindən verilən həbs orderlərinin icrası məhkəmənin təsis müqaviləsi olan Roma Statutunun 86 və 87-ci maddələrinə uyğun olaraq tərəf dövlətlərin öhdəliyidir.
Aytən Yaşar/ Turkustan.az
