ABŞ prezidenti Donald Tramp ölkədə iqtisadi vəziyyət və ticarət kəsirinə görə fövqəladə vəziyyət elan edib.
Turkustan.az xəbər verir ki, bu barədə Ağ Evin yaydığı sənədlərdə deyilir.
"Bu gün ABŞ prezidenti bəyan edib ki, xarici ticarət və iqtisadi siyasət milli fövqəladə vəziyyət yaradıb və onun sərəncamı ABŞ-ın beynəlxalq iqtisadi mövqeyini gücləndirmək və amerikalı işçilərini qorumaq üçün cavab tarifləri tətbiq edir". O qeyd edir ki, davamlı ticarət kəsirləri ABŞ-ın istehsal bazasını viran qoyub, istehsal potensialının genişləndirilməsi üçün heç bir stimul yaratmayıb, kritik təchizat zəncirlərini sarsıdıb və ABŞ hərbi-sənaye kompleksini “xarici düşmənlərdən” asılı vəziyyətə salıb.
“Prezident Tramp digər ölkələrin ABŞ-dan faydalanmasını istəmir və hesab edir ki, ədalətli ticarəti təmin etmək, amerikalı işçiləri qorumaq və ticarət kəsirini azaltmaq üçün tariflərə ehtiyac var.
Biildirək ki, aprelin 2-də ABŞ prezidenti Donald Tramp ölkəsinin idxal olunan mallar üçün minimum 10% gömrük rüsumunu təyin edəcəyini açıqlayıb. Ayrı-ayrı dövlətlər üçün o, fərdi tariflər təyin etdi. Bundan əlavə, ABŞ administrasiyası aprelin 3-dən idxal edilən bütün avtomobillərə 25% gömrük rüsumu tətbiq edəcək.
Aytən Yaşar/ Turkustan.az
