Aİ Avropaya səyahət üçün pulsuz qatar bileti paylayır


Avropa İttifaqı (Aİ) Komissiyası Türkiyə də daxil olmaqla, Erasmus+ proqramı ilə əlaqəli ölkələrdə yaşayan 18 və daha yuxarı yaşda olan gənclərə Avropa ölkələrinə 36 min pulsuz qatar bileti paylayacaq.

Turkustan.az xəbər verir ki, AB Komissiyasından edilən yazılı açıqlamada "DiscoverEU" adlı proqram çərçivəsində gənclərə 36 min səyahət kartının veriləcəyi açıqlanıb.

Açıqlamada, müraciətlərin bu gün başladığı və müvəffəqiyyət qazanan müraciət edənlərin 1 iyul 2025-ci il və 30 sentyabr 2026-cı il tarixləri arasında 30 gün ərzində qatarla bütün Avropa boyunca səyahət edə biləcəkləri bildirilib.

Müraciət üçün tələb olunan şərtlərin 1 iyul 2006-cı il - 30 iyun 2007-ci il tarixləri arasında doğulmuş, AB ölkələrində və İslandiya, Lixtenşteyn, Şimali Makedoniya, Norveç, Serbiya və Türkiyə kimi Erasmus+ proqramı ilə əlaqəli ölkələrdə yaşayanlar olduğu ifadə edilən açıqlamada, müraciət müddətinin aprelin 13-16-da sona çatacağı qeyd edilib.

Aİ tərəfindən 2018-ci ildə başladılan və 2021-2027-ci illər arasında həyata keçirilən təhsil, gənclik və idman sahələrini əhatə edən Erasmus+ qrant proqramının bir hissəsi olan “DiscoverEU” indiyədək 355 mindən çox səyahət kartı təqdim edib.

Aytən Yaşar/ Turkustan.az


MANŞET XƏBƏRLƏRİ