Hakim prezident Donald Tramp administrasiyasının müşayiət olunmayan mühacir uşaqların immiqrasiya məhkəmələrində təmsil olunması üçün maliyyəni kəsmək planını müvəqqəti olaraq dayandırmaq qərarına gəlib.
Turkustan.az xəbər verir ki, Kaliforniyanın San-Fransisko Dairə Məhkəməsinin hakimi Araceli Martinez-Olguin Tramp administrasiyasının ABŞ-a valideynləri olmadan gələn təxminən 26 000 immiqrant uşağa təsir göstərdiyi siyasətlə bağlı qərarını verib.
Hakim: "Müşayiətsiz uşaqların qanuni təmsilçiliyi üçün davamlı maliyyələşdirmə immiqrasiya sistemində səmərəliliyi və ədaləti təşviq edir"-deyə, sözügedən təcrübənin müvəqqəti olaraq dayandırılmasına qərar verib.
Sabahdan qüvvəyə minəcək bu qərar aprelin 16-dək qüvvədə olacaq.
Bildirək ki, Tramp administrasiyası ölkəyə tək və valideynsiz gələn immiqrant uşaqların immiqrasiya məhkəmələrində təmsil olunması üçün ayrılan maliyyəni kəsdiyini açıqlayıb.
Aytən Yaşar/ Turkustan.az
