“ABŞ-İran arasında müharibə olarsa, Ermənistanın rəqibləri Zəngəzur məsələsini həll etmək üçün güc tətbiq edə bilər”.
Turkustan.az xəbər verir ki, bunu erməni politoloq Artur Xaçikyan deyib.
“Daxil olan məlumatlara görə, ABŞ buna ciddi hazırlaşır və bölgəmizə qoşun yeridir. ABŞ-ın İranla müharibəsi elə vəziyyət yaradacaq ki, opponentlərimiz Zəngəzur məsələsinin güc yolu ilə həllinə çalışacaqlar. Ümumiyyətlə, İrandakı vəziyyət Ermənistan üçün də son dərəcə arzuolunmazdır. Çünki bu, Qərbin və İsrailin regionumuzda hegemonluğu demək olacaq”, – Xaçikyan vurğulayıb.
Ancaq Xaşikyan bir məsələni unudur. Azərbaycan və Türkiyə Zəngəzur dəhlizinin hərbi yolla həllinin gündəmdə olmadığını dəfələrlə bəyan edib. Yalnız Ermənistan tərəfindən təxribatlar olacağı təqdirdə, rəsmi Bakı hərbi yola əl ata bilər ki, bu da beynəlxalq hüquq baxımından tam qanunidir. Odur ki, irəvanın bununla bağlı narahatlığına heç bir əsas yoxdur. /konkret.az/
