“Mühafizə kontingenti”nin formalaşdırılması layihəsi Ukraynanın Avropa dövlətləri tərəfindən açıq-aşkar işğalı planı kimi qiymətləndirilə bilər.
Turkustan.az xəbər verir ki, bunu İrəvanda Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik deyib.
“Avropalılar sülh müqaviləsi imzalandıqdan sonra Ukrayna ərazisinə yeridilməli olan qondarma kontingentin formalaşdırılması layihəsini də elan ediblər. Bu, mahiyyət etibarilə, Ukraynanın Avropa ölkələri tərəfindən açıq işğalı kimi qiymətləndirilə bilər”, - diplomat bildirib.
Miroşnikin iddiasına görə, bunda məqsəd danışıqların nəticəsindən asılı olmayaraq, Ukrayna və onun hakimiyyətinə kənardan nəzarəti saxlamaqdır. /Teleqraf/
