İlon Mask və onun siyasi fəaliyyət komitəsi America PAC, ABŞ-da açılan iddiada "söz azadlığı və silah hüquqları"nı dəstəkləyən petisiyanı imzalamaq və başqalarını imzalamağa məcbur etmək müqabilində bir şəxsə 20 min dollar ödəməməkdə günahlandırılıb.
Turkustan.az xəbər verir ki, klassik fəaliyyət statusu tələb edən iddiada, adının açıqlanmasını istəməyən bir şəxsin ABŞ-da prezident seçkiləri ərəfəsində səs toplamaq üçün saatlıq əmək haqqı aldığı, lakin petisiyaya müraciət üçün vəd edilən məbləğin ödənilmədiyi iddia edilir.
İş materiallarında iddia olunur ki, sözügedən şəxs bir neçə dəfə ödənişi almaq istəsə də, buna nail ola bilməyib və bu şəxs də eyni vəziyyətdə başqaları ilə əlaqə saxlayıb.
"Amerika PAC" sözçüsü Endryu Romeo verdiyi açıqlamada, siyasi fəaliyyət komitəsinin bütün qanuni petisiya imzalarını ödəməyə sadiq olduğunu, iddiaçının kim olduğunu hələ bilmədiklərini və konkret vəziyyətləri ilə bağlı danışa bilməyəcəklərini söyləyib.
"America PAC" petisiyanı imzalamaq üçün qeydiyyatdan keçmiş seçicilərə 100 dollar, qeydiyyatdan keçmiş seçicini petisiyanı imzalamağa yönləndirənlərə isə 100 dollar ödəməyi təklif edib.
Bildirək ki, martın 31-də Viskonsin ştatında keçirilən tədbirdə Mask “fəal hakimlərə” qarşı petisiyasını imzalayan iki nəfərə 1 milyon dollarlıq çek təqdim edib.
Aytən Yaşar/ Turkustan.az
