ABŞ Yaxın Şərqdə hərbi vasitələr yerləşdirir

ABŞ Müdafiə Nazirliyi (Pentaqon) İranla davam edən gərginlik fonunda Yaxın Şərqə əlavə hərbi vasitələrin yerləşdiriləcəyini açıqlayıb.

Turkustan.az xəbər verir ki, Pentaqonun sözçüsü Sean Parnell, Yaxın Şərqdə "sabitliyi təşviq etmək, aqressiv davranışların qarşısını almaq və sərbəst ticarət axınını qorumaq" üçün tədbirlər gördüklərini söyləyib.

Parnell bildirib ki, müdafiə naziri Pit Heqsetin göstərişlərinə uyğun olaraq, ABŞ-ın Yaxın Şərqdəki hərbi potensialı artırılacaq.

O, bölgəyə əlavə döyüş təyyarələrinin yerləşdiriləcəyini və beləliklə, ABŞ-ın hava hücumundan müdafiə qabiliyyətini artıracağını bildirib.

Aytən Yaşar/ Turkustan.az