Ukrayna prezidenti Vladimir Zelenski deyib ki, ABŞ-la imzalanması gözlənilən nadir torpaq elementləri üzrə sazişin mətnində ölkəsinin NATO ilə inteqrasiyası məsələsi yoxdur.
Turkustan.az xəbər verir ki, Zelenski ölkəsində danışıqlar aparan Almaniyanın xarici işlər naziri Annalena Baerboku Kiyevdəki ofisində qəbul edib.
Görüşdən sonra keçirilən birgə mətbuat konfransında Zelenski Rusiya-Ukrayna müharibəsində baş verən hadisələrdən danışıb.
Baerbokun müharibə zamanı Ukraynaya 9 dəfə səfər etdiyini qeyd edən Zelenski Almaniyaya ölkəsinə verdiyi bütün dəstəyə görə təşəkkür edib.
Rusiyanın enerji infrastrukturları ilə bağlı atəşkəsi pozduğunu qiymətləndirən Zelenski, hücumlarla bağlı müvafiq hesabatları ABŞ tərəfinə çatdıracaqlarını bildirib.
Zelenski ABŞ-ın Rusiyaya qarşı sanksiyaları artırmaq imkanının olduğuna inandığını bildirib və əlavə edib: “Biz çox ümid edirik ki, prezident (Donald) Tramp Rusiyaya qarşı sanksiyaları gücləndirmək üçün bütün müvafiq vasitələrə sahib olacaq”. dedi.
O, həmçinin bildirib ki, iki tərəf nadir torpaq elementləri ilə bağlı ABŞ-la imzalanması gözlənilən sazişin mətni üzərində işlərini davam etdirir.
Lider həmçinin qeyd edib ki, “öz qoşunlarını Ukraynaya göndərməyə hazır olan” ölkələrin hərbi nümayəndələri aprelin 4-də görüşəcək və bu görüşdə müvafiq məsələlər müzakirə olunacaq.
Aytən Yaşar/ Turkustan.az
