Yaponiyada “Meqazəlzələ” 300 minə yaxın insanın həyatına son qoya bilər.
Turkustan.az Musavat.com-a istinadən xəbər verir ki, bu barədə Yaponiya hökuməti xəbərdarlıq edib.
Bildirilir ki, Nankay qırılma zonasında baş verə biləcək təbii fəlakət 298 min insanın həyatına son qoyacaq, ölkə iqtisadiyyatına 1,81 trilyon dollara qədər ziyan vuracaq.
Rəsmilər "meqazəlzələ"nin 8-9 bal gücündə ola biləcəyini və afterşoklardan sonra şərq sahillərində hündürlüyü 3 m-dən çox olan sunaminin baş verə biləcəyini deyir.
Alimlərin hesablamalarına görə, bu təbii fəlakət növbəti 30 il ərzində baş verə bilər, lakin dəqiq tarix məlum deyil.
