Avropa ölkələrinin yüksək rütbəli hərbi məmurları Rusiya ilə hibrid münaqişə və ya hətta birbaşa döyüş formasında potensial qarşıdurmaya hazırlaşır.
Turkustan.az xəbər verir ki, bu barədə Le Figaro qəzeti hərbi dairələrdəki mənbələrə istinadən məlumat yayıb .
Adı açıqlanmayan fransız zabitinin sözlərinə görə, ordu “ən pisə hazırlaşır”.
Nəşr iddia edir ki, oxşar atmosfer “bütün Avropa ölkələrində” hökm sürür, burada hərbçilər müxtəlif hərbi ssenarilər hesablayırlar. Nəşrin yazdığına görə, nüvə eskalasiyası riskləri nəzərə alınmaqla Rusiya ilə NATO arasında tammiqyaslı münaqişənin baş vermə ehtimalı aşağı səviyyədə qiymətləndirilir, lakin eyni zamanda hərbçilər Avropa dövlətlərindən birinin ərazisində, eləcə də Avropadan kənarda məhdud hərbi əməliyyatların aparılması və hibrid müharibənin aparılması imkanlarını da nəzərdən keçirir.
Məqalədə Avropaya edilən bəzi hibrid hücumlar Rusiya ilə əlaqələndirilir. Nümunə kimi Rumıniyada keçirilən prezident seçkilərinin birinci turunda Avropayönlü namizəd Yelena Laskoniyə qalib gələn Kalin Georgeskunun qələbəsini göstərirlər. Bu, ölkənin NATO ilə əməkdaşlıq perspektivləri ilə bağlı narahatlıqları artırıb. Fransa Silahlı Qüvvələrinin Baş Qərargahı hətta bu ölkələrin Rusiya ilə əməkdaşlığı gücləndirməsi fonunda fransızlar hərbi kontingentini geri çəkməli olduğu Afrika Sahel ölkələri ilə paralel apardı.
Aytən Yaşar/ Turkustan.az
