Pilot 2 saatlıq uçuşdan sonra təyyarəni geri qaytardı - Bu əşyasını evində unudubmuş... - FOTO

Ötən həftə ABŞ-da qəribə hadisə baş verib. Belə ki, ABŞ-dan Çinə uçan təyyarə 2 saatlıq səyahətdən sonra qəfil geri dönüb.

Hadisəyə səbəb təyyarənin pilotu olub. Məlum olum ki, pilot pasportunu evdə unudub.

Ona görə də Los-Ancelesdən Şanxaya uçan “United Airlines”a məxsus “Boeing 787” təyyarəsi Sakit okean üzərindən iki saatlıq uçuşdan sonra geri qaytarılıb. Pilota xatırladılıb ki, o pasportsuz uçur. Geri dönüş zamanı ekipaj arasında böyük qalmaqal yaşanıb. Çünki, bu olayda ən çox zərər çəkən təyyarədə 257 nəfər sərnişin olub.

Nəzərə alaq ki, əgər pilot Şanxaya pasportsuz gəlsəydi, o saxlanılıb deportasiya oluna bilərdi.

“United Airlines” böyük məbləğdə cərimə olunardı.

Pilotun pasportunun olmaması sonrakı problemlərin yalnız başlanğıcı idi. Belə ki, təyyarə San-Fransiskoya eniş edəndən sonra sərnişinlər üçün yeni təyyarə axtarışına başlanılıb. Nəhayət sərnişinlər 7 saat gecikmə ilə mənzil başına çatıblar.



/Bizim.Media