Moldova Respublikasının Qaqauziya Muxtar Ərazi Qurumunun (Qaqauz Yeri) rəhbəri Yevgeniya Qutsul Rusiya və Türkiyə Prezidentlərinə müraciət edib.
Turkustan.az xəbər verir ki, ötən gün saxlanılan Qaqauziya lideri Vladimir Putin və Ərdoğandan kömək istəyib.
O, Kişinyov hava limanında 2023-cü il seçki kampaniyasının qanunsuz maliyyələşdirilməsi ilə bağlı cinayət işi çərçivəsində saxlanılıb. Prokurorlar onun həbsini istəyir.
Siyasətçinin tərəfdarları bu işin siyasi çalarları olduğunu iddia ediblər və muxtar parlament həbsin şərtləri ilə bağlı beynəlxalq araşdırmaya çağırıb./modern.az
